"Ливерпуль" ҳужумкор ярим ҳимоячиси Доминик Собослаи клуб билан янги шартнома бўйича музокаралар олиб бораётганини тасдиқлади.
25 ёшли венгрияликнинг амалдаги шартномаси 2028 йил ёзигача мўлжалланган.
"Албатта, бу ерда бахтиёрман, аммо футбол қандай ишлашини биласиз ва буни ҳар ким инобатга олиши керак.
Ҳар доим ривожланиш бор, аммо ҳали қарор қабул қилинмади. Мен фақат ҳар ҳафта, ҳар бир машғулотда жамоа ва мухлислар учун боримни беришда давом этаман. Келажакда нима бўлишини кўрамиз. Музокаралар бўлган, лекин аниқ ҳеч қандай қарор қабул қилинмаган", - деди Собослаи.
