"Ливерпуль" жамоанинг Францияга учишидан олдин олинган суратларини ижтимоий тармоқларда эълон қилди. Чоршанба куни "қизиллар" Чемпионлар лигаси доирасида "Марсель" меҳмони бўлади.
Суратларда ҳужумчи Муҳаммад Салоҳни кўриш мумкин. Бу мисрлик ҳам ўйинга учиб боришини англатади. Куни кеча Салоҳ Африка Миллатлар Кубогида Миср терма жамоаси сафида майдонга тушганидан сўнг "Ливерпуль" қароргоҳига қайтди.
Эслатиб ўтамиз, Миср терма жамоаси Африка Миллатлар Кубогида тўртинчи ўринни эгаллаган эди. Бронза медали учун кечган баҳсда мисрликлар Нигерияга 0:0 ҳисобидаги дурангдан сўнг пенальтилар сериясида мағлуб бўлишди.
