Мадриднинг "Реал" клуби форварди Килиан Мбаппе Чемпионлар Лигасида рақибларини ранжитишда давом этмоқда. Франциялик юлдуз "Монако"га қарши ўйиннинг 5-дақиқасида ҳисобни очган бўлса, 26-дақиқада собиқ жамоаси дарвозасига дубль қайд этди.
Эндиликда 27 ёшли ҳужумчининг ҳисобида "қаймоқранглилар" сафида энг нуфузли еврокубокда урилган 18 та гол бор - у бу кўрсаткич бўйича машҳур Гарет Бэйл ва Луис Фигуни ортда қолдирди. Шу билан бирга, энг муҳими, Килиан "Реал"га ўтганига атиги бир ярим йил бўлди.
Килиан Мбаппе ҳисобида Чемпионлар Лигасининг жорий мавсумида 11 та гол бор - бу тўпурарлар пойгасидаги энг яқин таъқибчиларидан бештага кўп.













