"Барселона" бош мураббийи Ханс-Дитер Флик сешанба кунги матбуот анжуманида Испания Ла Лигасида "Реал Сосьедад"дан учралган мағлубиятдан сўнг жамоа қай аҳволда экани ҳақидаги саволга жавоб берди.
"Якшанба кунги ўйиндаги натижадан ҳафсалам пир бўлди, аммо бу футбол. Ёмон ўйинда ютқазгандан кўра, шундай ютқазган яхшироқ. Бу бизга қилаётган ишимизга кўпроқ ишонч беради, аммо рақиб дарвозаси олдида янада қатъиятли бўлишимиз керак.
Бизда улкан салоҳият бор ва ишлашда давом этишимиз керак. Биз юқорироқ даражага кўтарилишимиз мумкин," - деди Флик.
21 январь, чоршанба куни "Барселона" Чемпионлар лигаси доирасида "Славия" меҳмони бўлади.
