Мюнхеннинг "Бавария" клуби 30 ёшли ҳужумчиси Серж Гнабри клуб билан шартномани узайтиришга яқин турибди.
Айтиш жоизки, Гнабри билан меҳнат шартномаси яқин орада узайтирилиши ҳақидаги миш-мишлар ўтган йилдан бери давом этмоқда.
Бироқ журналист Флориан Плеттенбергнинг таъкидлашича, ҳаммаси режадагидек кетмоқда. Унинг маълумотига кўра, янги шартнома имзоланиши ҳақиқатан ҳам бироз чўзилмоқда, бироқ у кейинги ҳафтадаёқ амалга ошиши керак. "Бавария" Гнабрининг ўйинларидан тўлиқ қониқиш ҳосил қилмоқда ва уни яқин келажакда жамоа етакчиси сифатида кўрмоқда.
Жорий мавсумда Гнабри барча турнирларда 23 та учрашувда майдонга тушиб, 7 марта рақиблар дарвозасини ишғол қилди ва 8 та голли узатмани амалга оширди.
Немиснинг "Бавария" билан амалдаги шартномаси 2026 йилнинг ёзида ўз ниҳоясига етади.
