"Рома" ўз сайтида "Астон Вилла" билан вингер Леон Бэйлининг ижарасини тўхтатиш бўйича келишувга эришганини эълон қилди. Ямайкалик 28 ёшли футболчи яна инглиз клубига қайтди.
Ижара муддати давомида Бэйли 11 та расмий ўйинда майдонга тушди. Уларда футболчи шерикларига иккита голли узатма берди.
"Рома" Италия чемпионати турнир жадвалида тўртинчи ўринда бормоқда. Жамоа 22 январь, пайшанба куни Европа лигаси доирасида "Штутгарт"га қарши уй учрашувини ўтказади.
Эслатиб ўтамиз, Леон Бэйлининг "Астон Вилла" билан амалдаги шартномаси 2027 йилнинг ярмигача мўлжалланган.













