"Реал" ҳужумчи Винисиус Жуниор билан шартномани узайтириш бўйича музокаралар олиб бормоқда.
The Athletic хабарига кўра, ҳозирда бразилияликнинг Мадрид клубидаги маоши соф ҳолда йилига 18 миллион еврони ташкил этади. "Қаймоқранглилар" ҳужумчига бир мавсум учун 20 миллион евро маошли янги битим таклиф қилган, бироқ футболчи таклифни рад этган.
Қайд этилишича, "Реал" Винисиус билан ҳамон шартномани узайтирмоқчи, футболчининг ўзи ҳам Мадрид клубида қолишни истамоқда. Томонлар музокараларда шошилмаяптилар.
Винисиус Жуниор "Реал" сафида 2018 йилдан буён тўп тепиб келмоқда. Унинг "қаймоқранглилар" билан амалдаги келишуви 2027 йилнинг ёзига қадар мўлжалланган.
