"Real" hujumchi Vinisius Junior bilan shartnomani uzaytirish bo‘yicha muzokaralar olib bormoqda.

The Athletic xabariga ko‘ra, hozirda braziliyalikning Madrid klubidagi maoshi sof holda yiliga 18 million yevroni tashkil etadi. "Qaymoqranglilar" hujumchiga bir mavsum uchun 20 million yevro maoshli yangi bitim taklif qilgan, biroq futbolchi taklifni rad etgan.

Qayd etilishicha, "Real" Vinisius bilan hamon shartnomani uzaytirmoqchi, futbolchining o‘zi ham Madrid klubida qolishni istamoqda. Tomonlar muzokaralarda shoshilmayaptilar.

Vinisius Junior "Real" safida 2018 yildan buyon to‘p tepib kelmoqda. Uning "qaymoqranglilar" bilan amaldagi kelishuvi 2027 yilning yoziga qadar mo‘ljallangan.