"Барселона" ҳужумчи Роберт Левандовскини жамоада олиб қолишга тайёр, фақат маълум шартлар асосида.

Хабарга кўра, польшалик ўз маошини 50 фоизга қисқартириши керак. Ҳозирда форвард Каталония клубида бир мавсумда 26 миллион евро маош олмоқда. Шунингдек, Левандовски ўйин вақтини қисқартириши керак. "Кўк-анорранглилар" ҳужумчини ротация ўйинчиси сифатида кўрмоқда.

Роберт Левандовски 2022 йилда "Бавария"дан 45 миллион евро эвазига "Барселона"га ўтганди. Унинг каталонияликлар билан шартномаси 2026 йилнинг 30 июнига қадар имзоланган. Жорий мавсумда ҳужумчи "кўк-анорранглилар" сафида 23 та ўйинда майдонга тушиб, 11 та гол урди ва 2 та голли узатмани амалга оширди.