"Ньюкасл" бош мураббийи Эдди Ҳау жамоа яримҳимоячиси Бруно Гимараэснинг ҳолати ҳақида фикр билдирди.

Чемпионлар лигасининг ўтган турида ПСВга қарши кечган ўйинда (3:0) Гимараэс дастлабки дақиқаларданоқ майдонга тушди, аммо жароҳат туфайли биринчи бўлим охирида майдонни тарк этишга мажбур бўлди.

"Унинг тўпиғи бироз шишган, бироз оғрияпти. Умид қиламизки, у ерда ҳеч қандай жиддий нарса йўқ, лекин аниқ айтиш қийин. Уни алмаштиришга тўғри келганидан хавотирдаман", - дея Хаунинг сўзларини келтиради журналист Крейг Хоуп.

Жорий мавсумда Гимараэс барча мусобақаларда 33 та ўйинда майдонга тушиб, 8 та гол урди ва 6 та голли узатмани амалга оширди.