"Ал-Аҳли" ҳужумчиси Ҳамза Абделкарим "Барселона"га ўтмоқда. Журналист Фернандо Полонинг маълум қилишича, битим аллақачон ёпилган.
18 ёшли футболчи "кўк-анорранглилар" сафига 3 млн еврога сотиб олиш ҳуқуқи билан ижара асосида қўшилади. Тез орада ёш мисрлик тиббий кўрикдан ўтади, шундан сўнг трансфер расмийлаштирилади.
"Барселона"нинг Мисрнинг янги юлдузини ўз сафига қўшиб олиш нияти борлиги бир неча ой олдин маълум бўлган эди. Ҳужумчи Қоҳиранинг "Ал-Аҳли" клуби сафида тўққизта ўйин ўтказди, аммо ҳозирча самарали ҳаракатлари билан ажралиб тургани йўқ, аммо 17 ёшгача бўлганлар терма жамоасида 19 та ўйинда 12 та гол урди ва олтита голли узатмани амалга оширди.
