"Астон Вилла" дарвозабони Эмилиано Мартинес Миланнинг "Интер" клубига ўтиш эҳтимоли паст.
Куни кеча "нерадзуррилар"нинг аргентиналик футболчи вакиллари билан музокаралар бошлангани ҳақида хабарлар тарқалди, бироқ келишув амалга ошмайдиганга ўхшайди. La Gazzetta dello Sport хабарига кўра, А Серия гранди "Вилла" юлдузига даъвогарлик қилмаяпти ва унинг трансфери устида иш олиб бормаяпти. Бунинг ўрнига "Интер" "Тоттенхэм"дан Гульельмо Викариони ўз сафига қўшиб олмоқчи - айнан италиялик футболчи устувор трансфер мақсади сифатида кўрсатилган.
Викарионинг Transfermarkt сайтидаги тахминий нархи - 30 млн евро. "Шпорлар"нинг 29 ёшли дарвозабони Янн Зоммерга идеал ўринбосар сифатида кўрилмоқда.
