"Aston Villa" darvozaboni Emiliano Martines Milanning "Inter" klubiga o‘tish ehtimoli past.

Kuni kecha "neradzurrilar"ning argentinalik futbolchi vakillari bilan muzokaralar boshlangani haqida xabarlar tarqaldi, biroq kelishuv amalga oshmaydiganga o‘xshaydi. La Gazzetta dello Sport xabariga ko‘ra, A Seriya grandi "Villa" yulduziga da’vogarlik qilmayapti va uning transferi ustida ish olib bormayapti. Buning o‘rniga "Inter" "Tottenxem"dan Gulyelmo Vikarioni o‘z safiga qo‘shib olmoqchi - aynan italiyalik futbolchi ustuvor transfer maqsadi sifatida ko‘rsatilgan.

Vikarioning Transfermarkt saytidagi taxminiy narxi - 30 mln yevro. "Shporlar"ning 29 yoshli darvozaboni Yann Zommerga ideal o‘rinbosar sifatida ko‘rilmoqda.