Лондоннинг "Челси" клуби аргентиналик ярим ҳимоячиси Энцо Фернандес жорий мавсум якунлангач жамоани тарк этиши мумкин. Бу ҳақда журналист Экрем Конур маълум қилди.
Манбага кўра, "ПСЖ" келаси ёзда "Челси"га катта таклиф билан чиқишга тайёрланмоқда. Шу билан бирга, "Реал" Фернандесни кузатишни тўхтатгани қайд этилган. Таъкидланишича, "кўклар" ўз ярим ҳимоячисини 100-140 миллион еврога қўйиб юборишга тайёр.
Эслатиб ўтамиз, 2023 йилда "Челси" Фернандесни "Бенфика"дан 121 миллион еврога сотиб олган эди. Жорий мавсумда 25 ёшли хавбек барча мусобақаларда 32 та ўйинда майдонга тушиб, 8 та гол урди ва 4 та голли узатмага муаллифлик қилди.
