Римнинг "Рома" клуби дарвозабони Миле Свилар клубнинг Европа Лигасидаги навбатдаги муваффақияти ҳақида гапирди - Жан Пьеро Гасперини шогирдлари Германиянинг "Штутгарт" клубини мағлуб этди (2:0) ва бу римликларнинг ушбу турнирдаги кетма-кет тўртинчи ғалабаси бўлди.
Свиларнинг фикрича, ўтган ёзда клуб бошқарувига айнан Гасперини келгани клубнинг ёш футболчиларига жуда қўл келган.
- Пизилли? Машғулотларда менга иш топиб беради. Унинг зарбаси кучли, шунинг учун мен азоб чекяпман! Агар жиддий гапирадиган бўлсам, Гасперини даврида "Рома"даги ёш футболчиларда ҳаммаси яхши бўлади. Улар ишончли қўлларда," - дея Свилар сўзларини келтиради forzaroma.info.
Эслатиб ўтамиз, аввалроқ Гасперини узоқ вақт давомида "Аталанта"ни бошқарган эди.
