«Бешиктош» ярим ҳимоячиси Уилфред Ндиди Англия чемпионатига қайтиши мумкин. Нигериялик футболчига «Манчестер Юнайтед» қизиқиш билдирмоқда.
Журналист Фабрицио Романонинг сўнгги маълумотларига кўра, «Юнайтед» Ндиди билан шахсий шартнома шартларини аллақачон келишиб олган. Бироқ ҳозирча «қизил иблислар» томонидан «Бешиктош»га расмий таклиф юборилмаган.
Жорий мавсумда Ндиди «Бешиктош» сафида 14 та учрашувда майдонга тушди. Туркияга йўл олишидан олдин Уилфред «Лестер» жамоасида тўп сурган.













