Ҳужумчи Роберт Левандовски "Барселона"ни ярим йилдан сўнг тарк этиши мумкин. 37 ёшли футболчининг амалдаги шартномаси июнь ойи охирида ўз ниҳоясига етади. Узоқ вақтдан бери польшалик форвардга МЛС ва Саудия Арабистонидан жиддий талаб борлиги маълум. Шу билан бирга, журналист Бен Жейкобснинг ёзишича, ҳужумчининг ўзи ҳамон "Барселона"да камида яна бир йил қолишга умид қилмоқда. Юлдуз фахрий Каталония гранди билан меҳнат шартномасини узайтиришни муҳокама қилишга тайёр.

Роберт Левандовскига даъвогарлар орасида "Чикаго Файр", "Ал-Иттиҳод" ва "Аш-Шабаб" клублари бор. "Кўк-анорранглилар" сафида футболчи 2022 йилнинг ёзидан буён тўп тепиб келмоқда.