Лондоннинг "Арсенал" клуби вингери Габриэль Мартинелли яна Саудия Арабистони чемпионати вакилларининг эътиборига тушди. "Ан-Наср" бразилиялик футболчига жиддий даъвогар ҳисобланади, деб хабар бермоқда журналист Бен Жейкобс.
"Канонирлар" 24 ёшли футболчини сотиш имкониятини кўриб чиқишга тайёр. Клуб спорт директори Андреа Берта келаси мавсум олдидан жамоага янги чап қанот вингери топишни истайди.
Габриэль Мартинелли ўтган ёзда ҳам фаолиятини Саудия Арабистонида давом эттириш вариантларига эга эди, аммо у Европани тарк этишни истамади. Футболчи жаҳон чемпионатидан кейин ўз позициясини ўзгартирадими ёки йўқми, ҳозирча номаълум. Мартинеллининг Transfermarkt сайтидаги нархи - 45 млн евро.
