Нидерландиянинг ПСВ клуби вингери Иван Перишич қишки трансферлар вақтида Миланнинг "Интер" клубига қайтиши мумкин. "Нерадзуррилар" 36 ёшли футболчини жорий мавсум якунига қадар ижарага олишга тайёр ва хорватияликнинг ўзи бунга розилик бериб бўлган, дея хабар бермоқда журналист Николо Скира. Келаси ҳафта А Серия гранди ПСВ билан келишув шартларини келишиб олиш учун музокаралар ўтказади.
Иван Перишич 2015 йилдан 2022 йилгача "Интер"га тегишли бўлган, шундан сўнг "Тоттенхэм"га ўтган. Кейинчалик футболчи қисқа муддатга ватанига қайтиб, у ерда "Хайдук" шарафини ҳимоя қилди ва 2024 йил сентябрида ПСВга ўтди. Transfermarkt портали экспертлари томонидан фахрийнинг нархи 1,3 млн еврога баҳоланмоқда.













