Мюнхеннинг "Бавария" клуби ва Германия терма жамоаси хавбеки Жошуа Киммих АҚШнинг сиёсий ҳаракатлари туфайли 2026 йилги жаҳон чемпионати бойкот қилиниши мумкинлиги ҳақида гапирди.

"Мен сиёсий масалаларда иштирок этмоқчи эмасман. Агар футболчилар бу мавзуда гапиришса, вазиятга ҳеч қандай таъсир кўрсата олишмайди. Германияда бундай ҳолатларни мендан кўра яхшироқ тушунадиган бошқа одамлар ҳам бор. Улар изоҳ беришсин," - дея ярим ҳимоячининг сўзларини келтиради Sport1.de.

Эслатиб ўтамиз, навбатдаги жаҳон чемпионати ёзда Шимолий Америкада бўлиб ўтади. Нуфузли мусобақага бир вақтнинг ўзида бир нечта давлат мезбонлик қилади: АҚШ, Канада ва Мексика.