"Ливерпуль" ҳужумчи Муҳаммад Салоҳни йўқотмоқчи эмас.
Журналист Бен Жейкобснинг ёзишича, "қизиллар" мисрлик футболчидан 2027 йилнинг 30 июнига қадар мўлжалланган амалдаги шартномасини охиригача ишлаб беришни талаб қилмоқда. Бироқ, Саудия Арабистони жамоалари форвардни эртароқ қўлга киритишга интилмоқда. Футболчининг атрофидагилар Саудия расмийлари билан учрашув ўтказишди ва Салоҳнинг жорий мавсум якунланганидан кейин кетиши барча томонларни қониқтириши мумкин.
Муҳаммад Салоҳ 2017 йилда "Рома"дан 42 миллион евро эвазига "Ливерпул"га ўтган эди. Жорий мавсумда мисрлик футболчи "қизиллар" сафида 21 та ўйинда майдонга тушиб, 5 та гол урди ва 4 та голли узатмани амалга оширди.
