"Ювентус" "Севилья"нинг ўнг қанот ҳимоячиси Хуанлу Санчесни ўз сафига қўшиб олмоқчи.
Журналист Жанлука Ди Марционинг маълум қилишича, туринликлар 22 ёшли футболчини Пер Кальюлуга ўринбосар сифатида кўрмоқда. Агар Испания жамоаси футболчини сотиб олиш ҳуқуқи билан ижарага беришга рози бўлса, келишув амалга ошиши мумкин. "Ювентус" ҳали тўлақонли трансферни расмийлаштиришга тайёр эмас.
Хуанлу Санчес "Севилья" тарбияланувчиси ҳисобланади. Унинг клуб билан шартномаси 2029 йилнинг 30 июнига қадар имзоланган.
Жорий мавсумда ҳимоячи барча мусобақаларда 19 та ўйинда майдонга тушиб, 1 та голли узатмани амалга оширди. Transfermarkt портали футболчини 15 миллион еврога баҳоламоқда.
