Ҳужумчи Габриэль Жезус "Арсенал"ни тарк этиши мумкин.
Calciomercato хабарига кўра, ёзги трансфер ойнаси бразилиялик футболчи учун бурилиш нуқтаси бўлиши мумкин. Ҳужумчининг амалдаги шартномаси тугашига бир ярим йил қолди ва Лондон клуби ўз футболчисини сотиш имкониятини кўриб чиқиши мумкин. Жезуснинг трансферига "Ювентус" ва "Милан" клублари қизиқиш билдирмоқда, улар футболчи трансфери бўйича таклиф беришга тайёр.
Габриэль Жезус 2022 йилда "Манчестер Сити"дан 52 миллион евро эвазига "Арсенал"га ўтганди. Жорий мавсумда ҳужумчи "канонирлар" сафида барча мусобақаларда 12 та ўйинда майдонга тушиб, 3 та гол урди ва 1 та голли узатмани амалга оширди.
