Руминия терма жамоаси бош мураббийи Мирча Луческу юрагидаги муаммолар туфайли шошилинч равишда шифохонага ётқизилди.
Шифокорлар қўшимча текширувлар ўтказиш учун зудлик билан касалхонага ётқизишга қарор қилишди.
"Мен касалхонага ётқизилдим, бу ҳақиқат. Йил бошида бир муддат шифохонада бўлдим, кейин менга жавоб беришди. Аммо бу вақт ичида кучли гриппга чалиниб, яна касалхонага ётишга мажбур бўлдим, чунки иситмам ҳам баланд эди, 39 даража.
Шифокорлар назоратида турибман, умид қиламанки, тезда соғайиб кетаман", - деди "Интер", "Шахтёр" ва "Зенит" клубларининг собиқ устози Луческу.
