"Фейеноорд" ярим ҳимоячиси Квинтен Тимбер "Марсел"га ўтди.
24 ёшли футболчининг шартнома шартлари ошкор этилмаган. Инсайдер Фабрицио Романонинг маълум қилишича, нидерландиялик футболчи учун 4,5 млн евро тўланган. Шунингдек, келишувда эришиш қийин бўлган бонуслар ҳам кўзда тутилган.
Квинтен "Арсенал" ҳимоячиси Юрриэн Тимбернинг эгизак акаси. Хавбек жорий мавсум Эредивизияда 17 та ўйинда 2 та гол урди ва 4 та голли узатмани амалга оширди.













