Туркиянинг "Фенербахче" клуби бош мураббийи Доменико Тедеско Европа Лигаси умумий босқичидан ўрин олган Англиянинг "Астон Вилла" (0:1) жамоасига қарши ўйин ҳақида фикр билдирди.
"Бундай рақибларга қарши дадил ўйнасангиз, охир-оқибат уларга ҳужум қилиш учун жой қолдирасиз, улар эса бу хатоларингиздан фойдаланиб, сизни жазолаш қобилиятига эга. Бироқ иккинчи бўлимда биз чиндан ҳам устунлик қилдик ва кўплаб имкониятлар яратдик.
Чап қанотимиздаги икки ҳимоячимиз жароҳат олди. Нелсон Семеду узоқ даволанишдан энди қайтди, шунинг учун биз таваккал қилиб, уни 60 дақиқадан ортиқ майдонда қолдира олмадик. Шу сабабли ижодкорлик кўрсатишга тўғри келди. Мерт [Мюлдюр] ҳар иккала қанотда ҳам яхши ҳаракат қилади ва турли позицияларда ўйнай олади," дея Тедесконинг сўзларини УЕФА расмий сайти келтиради.
