"Ливерпуль" бош мураббийи Арне Слот "қизиллар" январда трансферларни амалга оширадими, деган саволга жавоб берди.
"Мен таркибда ҳеч қандай ўзгариш бўлмаслигини кутмоқдаман. Бироқ, агар бозорда имконият пайдо бўлса ва биз таркибни кучайтира оламиз деб ҳисобласак, клуб ҳар доим бунга ҳаракат қилади. Бироқ ҳозирча - йўқ", - дея Слотнинг сўзларини келтиради инсайдер Фабрицио Романо.
Айни пайтда "Ливерпуль" Англия премьер-лигасининг 22-туридан кейин 36 очко жамғарган ҳолда мусобақа жадвалида тўртинчи ўринда бормоқда.
АПЛнинг навбатдаги баҳсида Арне Слот шогирдлари "Борнмут" меҳмони бўлади. Учрашув эртага, 24 январь куни бўлиб ўтади.
