"Реал Сосьедад" матбуот хизмати россиялик яримҳимоячи Арсен Захарян клубни тарк этиши мумкинлиги ҳақидаги хабарга изоҳ берди.
Аввалроқ, Испания жамоаси бош мураббийи Пеллегрино Матараццо жамоанинг бир неча футболчилари билан юзма-юз суҳбатлашиб, улар унинг режаларига кирмаслигини маълум қилгани ҳақида хабарлар тарқалган эди. Бу ўйинчилар орасида Захарян ҳам бор эди.
"Бизда Захарян ҳақида қўшимча маълумот йўқ - на тиббий, на унинг ҳолати бўйича", - дея клуб матбуот хизмати маълум қилди.
Захарян 2023 йилнинг ёзида Испания жамоасига ўтганди. Бу вақт оралиғида 22 ёшли ярим ҳимоячи барча турнирларда 60 та ўйинда майдонга тушиб, 3 та гол ва 3 та голли узатмага муаллифлик қилди.
