"Атлетико Мадрид" "Пари Сен-Жермен" ҳужумкор ярим ҳимоячиси Ли Канг-Инни сотиб олишга қизиқмоқда.
Журналист Экрем Конурнинг сўзларига кўра, 24 ёшли футболчи "матрасчилар"нинг асосий трансфер мақсадига айланган.
"ПСЖ" жанубий кореялик футболчи учун 40-50 миллион евро сўрамоқда ва футболчининг ўзи клубини ўзгартиришга тайёр.
"Атлетико Мадрид" парижликларга сотиб олиш имконияти билан ижара шартномасини таклиф қилишни режалаштирмоқда.
Transfermarkt турли позицияларда ўйнай оладиган Ли Канг-Иннинг нархини 25 миллион евро деб баҳоламоқда.
Ярим ҳимоячи илгари Испанияда ўйнаган, Парижга ўтишдан олдин "Мальорка" ва "Валенсия" шарафини ҳимоя қилган.
