Жорий мавсумда Европа топ-лигаларидан фақат 4 нафар футболчи гол ва ассистлар сони бўйича икки хонали кўрсаткичга эришди. Бу ҳақда Sofascore хабар берди.
Жорий мавсумнинг энг сермаҳсул футболчиси "Бавария" вингери Майкл Олисе бўлиб, унинг ҳисобида 13 гол ва 17 ассист бор. Шу билан бирга, франциялик футболчи энг кўп ўйин ўтказган - 30.
Иккинчи ўринда эса Олисенинг жамоадоши Луис Диас бормоқда. "Бавария"нинг янги футболчиси 14 та гол урди ва 10 та голли узатмани амалга оширди.
Кейинги ўринларда "Барселона" юлдузлари Ламин Ямал (10+11) ва Фермин Лопес (10+10) бормоқда.
