Миш-мишларга кўра, "Челси" ҳужумкор ярим ҳимоячиси Коул Палмер "Манчестер Юнайтед"га ўтади.
Жорий мавсум 23 ёшли футболчи учун яхши ўтмаяпти. Тахминларга кўра, юзага келган қийинчиликлар фонида футболчи қадрдон Манчестерни қўмсай бошлаган - бу эса "қизил иблислар"нинг қизиқиши ҳақида гап-сўзларга сабаб бўлган. Бироқ, таниқли инсайдер Бен Жейкобснинг таъкидлашича, бу маълумотлар ҳеч нарса билан тасдиқланмаган.
"Менда Палмернинг "Манчестер Юнайтед"га ўтиши ҳақида ҳеч қандай маълумот йўқ. Майдондан ташқарида кўпроқ вақт ўтказганингизда, манзарани бошқача кўра бошлайсиз, аммо Коул формада бўлганида "Челси"да жуда бахтли эди. Агар клубда ва шаҳарда унинг тоби қочиб қолса, жуда ҳайрон бўлардим. "Челси" ҳам Палмерни сотмоқчи эмас, шунинг учун бу трансфер масаласида ҳеч қандай истиқболни кўрмаяпман", - дейди журналист.
