"Тоттенхэм" бош мураббийи Томас Франк жамоанинг жароҳатлар билан боғлиқ муаммолари ҳақида гапирди.
"Шпорлар" мунтазам равишда жиддий жароҳатлар туфайли футболчиларини йўқотмоқда. Яқинда жароҳат олганлар рўйхатини бир неча ойга сафдан чиққан яримҳимоячи Лукас Бергвалл тўлдирди.
"Баъзи жароҳатларни кўриб, жамоамиз лаънатланган ёки шунга ўхшаш нарса деб ўйлай бошлайсиз. Аммо жароҳатлар - футболнинг бир қисми. Бизнинг вазифамиз - жароҳат олган футболчиларни имкон қадар тезроқ тиклаш", - деди Франк шанба куни бўлиб ўтадиган "Бёрнли"га қарши Премьер-лига ўйини олдидан.
"Тоттенхэм" 22-турдан кейин 27 очко билан турнир жадвалида 14-ўринда бормоқда.
