Лондоннинг "Арсенал" клуби собиқ футболчиси Эммануэль Эбуэ ҳужумчи Виктор Дьёкерешнинг ўйини ҳақида фикр билдирди.
"Мен Дьёкерешни Португалияда ўйнаганида кўп кузатганман ва у ажойиб ҳужумчи. У жуда кучли, аммо муаммо шундаки, "Арсенал" вингерлари унга етарлича тез-тез тўп узатмаяпти. Уларнинг барчаси гол уришни истайди, аммо Виктор - ҳужумчи. Гол уриш унинг иши.
Анри ҳар доим менга, Клишига, Эшли Коулга ва бошқаларга ҳужумчи эканини, шунинг учун голларга муҳтожлигини эслатиб турарди. У шундай деганди: "Тушунаман, сиз ҳам гол уришни истайсиз, аммо сизнинг вазифангиз - вазиятлар яратиш," - дея ивуарлик футболчининг сўзларини келтиради Arsenal News Channel.
Дьёкереш "Арсенал" сафида 27 та ўйинда 9 та гол урган.
