Жэйдон Санчонинг голи "Астон Вилла"га Европа Лигаси доирасида "Фенербахче" устидан ғалаба келтирди (1:0). "Манчестер Юнайтед"дан ижарага олинган вингер ўйиннинг 25-дақиқасида рақиб дарвозасини ишғол қилди.
Squawka хабарига кўра, Санчо еврокубокларда тўртта жамоа сафида гол урган иккинчи англиялик футболчи бўлди. Бунга биринчи бўлиб таниқли собиқ ҳужумчи Питер Крауч эришган.
Аввалроқ, Жэйдон Санчо евро еврокубокларда "Боруссия" Д, "Манчестер Юнайтед" ва "Челси" каби жамоаларда голлар урган эди. Қайд этиш жоиз, "Фенербахче" дарвозасига киритилган гол 25 ёшли футболчи учун "Астон Вилла" сафида барча мусобақалардаги илк гол бўлди.
