"Ливерпуль" сардори Виржил ван Дейк жамоа сафидаги юбилей ўйинини ўтказди. Чоршанба оқшомида мерсисайдликлар Чемпионлар лигасида "Марсель" меҳмони бўлди - ван Дейк учун бу ўйин "қизиллар" сафидаги 350-ўйин бўлди.
"350!" - деб ёзди ван Дейк ижтимоий тармоқда.
Виржил ван Дейк 2018 йил бошида "Саутгемптон"дан "Ливерпуль"га ўтган эди. Нидерландиялик футболчи клуб сафида 350 та ўйинда 30 та гол ва 13 та голли узатмани ўз ҳисобига ёздириб қўйган.













