"Ливерпуль" сардори Виржил ван Дейк жамоада мураббий ўзгариши ҳақидаги миш-мишларга муносабат билдирди.

"Қизиллар" ҳозирги кампанияда унчалик муваффақиятли эмас, шунинг учун бошқарувчи Арне Слотнинг келажаги ноаниқ деб ҳисобланади.

Хаби Алонсо Мадриднинг "Реал" клубидан истеъфога чиқарилганидан буён матбуотда нидерландиялик ўрнига испанияликнинг "Ливерпул"га келиши ҳақида тинимсиз гап-сўзлар юрибди. Яқинда Слотнинг ўзига ҳам Алонсо ҳақида тўғридан-тўғри савол беришди.

"Бу ҳурматсизлик эди. Ўтган мавсумдаги муваффақиятларимиз фонида бу мавсумдаги ўйинимизга қарайдиган бўлсак, танқидни ўринли деб ҳисоблаш мумкин. Қийин даврни бошдан кечирдик, аммо Слот қийинчиликларни яхши енгиб ўтди", - дея ҳимоячининг сўзларини келтиради инглиз ОАВ.

"Ливерпуль" АПЛ 22-туридан кейин турнир жадвалида тўртинчи ўринда бормоқда.