Англиянинг "Челси" клуби "Астон Вилла"га қарши ўйинда техник зонага улоқтирилган шиша учун жаримага тортилди. Бу ҳақда маҳаллий футбол ассоциацияси сайти хабар бермоқда.
2025 йил 27 декабрь куни АПЛ 18-туридан ўрин олган ўйинда "Челси" "Астон Вилла"га 1:2 ҳисобида имкониятни бой берди. Ҳодиса акс этган видеоёзув мавжуд бўлса-да, Лондон жамоаси ва Ассоциация вакиллари қоидабузарнинг шахсини аниқлай олмади. Якунда "Челси" айбига иқрор бўлди ва 173 минг евро миқдорида жазога тортилди.
Айни пайтда жамоа 22 ўйинда 34 очко тўплаган ҳолда олтинчи ўринда бормоқда.
