"Манчестер Сити" бош мураббийи Хосеп Гвардиола жамоадаги жароҳатлар инқирози ҳақида гапирди.

"Шаҳарликлар" 2026 йилни яхши бошлашмади. Гвардиола жамоаси кубокдаги иккита ўйинда ғалаба қозонди, аммо Премьер-лига ва Чемпионлар лигасида бирор марта ғалаба қозона олмади.

"Ўтган мавсумда биз бу муаммога янада эртароқ, ноябрь ойида дуч келдик. Энди бу январь ойида содир бўлди. Сабаб? Ўйинлар сони. Бизда ажойиб шифокорлар, энг яхши физиотерапевтлар бор. Улар ҳайвонларга ўхшаб 24 соатлаб ишлайди. Ҳамма гап жуда кўп ўйинларда. Бу нафақат бизда, балки бошқа клубларда ҳам содир бўлмоқда", - дея Гвардиоланинг сўзларини келтиради City Xtra.

Шанба куни "Манчестер Сити" ўз майдонида "Вулверхэмптон"га қарши ўйинда АПЛдаги муваффақиятсизликлар сериясига барҳам беришга уриниб кўради.