Италия А Сериясининг 22-тури Миланнинг "Интер" клуби "Пиза" устидан қозонилган ғалаба билан бошланди ва унда Кристиан Киву шогирдлари йирик 6:2 ҳисобида зафар қучди. Голлардан бирига Анж-Йоан Бонни муаллифлик қилди, у ўйиндан кейинги интервьюсида бундан хурсандлигини яширмади.
"Гол уриш жуда ёқимли, лекин ғалаба қозониш ундан ҳам ёқимлироқ. Энди жуда муҳим ўйин олдидан яхшилаб дам олиш керак", - дея Боннининг сўзларини келтиради fcinter1908.it.
Ушбу ғалабадан кейин Миланнинг "Интер" клуби Италия чемпионати турнир жадвалида ишончли етакчилик қилаётганини яна бир бор тасдиқлади. Клуб А Сериянинг навбатдаги турида "Кремонезе"га қарши баҳс олиб боради.
