Мадриднинг "Реал" клуби ўнг қанот ҳимоячиси Трент Александер-Арнольд билан хайрлашмоқчи эмас.
Миш-мишларга ишонадиган бўлсак, "қироллик клуби" инглизни сотиб юборишга тайёр, чунки янги бош мураббий Альваро Арбелоа унга умид қилмаяпти. 27 ёшли футболчининг ўзи ҳам ўз ролидан қониқмаяпти. Diario AS хабарига кўра, яқинда бўлиб ўтган шахсий суҳбатда Арбелоа Трентга жароҳатдан сўнг сафга қайтганида жамоада "жуда муҳим" роль ўйнашини ваъда қилган.
Манбанинг таъкидлашича, "Реал" раҳбарияти ҳам дебют мавсумининг дастлабки ярми Испанияда омадли ўтмаганига қарамай, Александер-Арнольдга сўзсиз ишонади.
