"Ювентус" ярим ҳимоячи Уэстон Маккенни билан шартномани узайтирмоқчи.

27 ёшли футболчининг амалдаги шартномаси ярим йилдан сўнг ўз ниҳоясига етади. Журналист Экрем Конурнинг ёзишича, "кекса синьора" раҳбарияти Лучано Спаллетти даврида алмаштириб бўлмас футболчига айланган америкалик билан янги шартнома тузиш устида иш олиб бормоқда.

Аввалроқ хавбекка "Атлетико", "Милан", "Рома", "Астон Вилла", "Галатасарой" ва "Фенербаҳче" каби клублар қизиқиш билдирганди. Уэстон Маккенни Transfermarkt портали мутахассислари томонидан 22 млн еврога баҳоланмоқда.

Жорий мавсумда ярим ҳимоячи 28 та учрашувда 5 та гол ва 4 та голли узатмага муаллифлик қилди.