Италиялик қанот ҳимоячиси Федерико Димарко А сериянинг бир ўйинида учта голда иштирок этган (бугун — 1 та гол ва 2 та голли узатма) «Интер» тарихидаги илк ҳимоячига айланди.

Бу статистика юритила бошланган 2004/05 йилги мавсумдан буён ҳеч бир «Интер» ҳимоячиси бундай натижага эриша олмаган. Бу ҳақда Opta хабар бермоқда.

Ушбу воқеа Италия чемпионатининг 22-тури доирасида «Пиза»га қарши ўйинда (6:2) содир бўлди.

Жорий мавсумда италиялик футболчи «Интер» сафида барча мусобақаларда 28 та ўйин ўтказиб, 5 та гол ва 9 та голли узатма қайд этган.

Димарконинг миланликлар билан амалдаги меҳнат шартномаси 2027 йил ёзига қадар амал қилади. Transfermarkt портали маълумотларига кўра, футболчининг бозор қиймати €50 млнни ташкил этади.