Дортмунднинг "Боруссия" клуби ва Германия терма жамоаси ҳимоячиси Нико Шлоттербек Каталониянинг "Барселона" клубига ўтмайди. Бу ҳақда Sport.es журналистлари хабар бермоқда.
Манбага маълум бўлишича, "кўк-анорранглилар" германиялик футболчининг трансферини истисно қилмоқда. "Барселона" Шлоттербекнинг тезлик кўрсаткичларидан норози.
26 ёшли ҳимоячининг трансфер нархи 55 миллион еврога баҳоланмоқда. Никонинг "асаларилар" билан амалдаги шартномаси муддати келаси йилнинг ўрталарида тугайди.
2025/2026 йилги мавсумнинг биринчи ярмида Шлоттербек 22 та учрашув ўтказган. Ҳимоячи 2 та гол ва 2 та ассистни ўз ҳисобига ёздириб қўйди.
