Лондоннинг "Тоттенхэм" клуби бош мураббийи Томас Франк АПЛ 23-туридан ўрин олган "Бёрнли"га қарши баҳсдан нималар кутаётгани ҳақида гапирди.
Аввалги ўйинда Скотт Паркер шогирдлари "Ливерпуль" билан сафарда 1:1 ҳисобида дуранг ўйнашга муваффақ бўлганди.
"Скотт Паркернинг жамоаси, биз уларнинг кўплаб ўйинларида кўрганимиздек, жуда рақобатбардош - "Энфилд"да улар 1:1 ҳисобида дуранг ўйнашди. Шундай экан, бу яна бир ўта шиддатли ўйин бўлади," - дея мутахассиснинг сўзларини келтиради "шпорлар" матбуот хизмати.
Шу билан бирга, у муваффақиятга эришиш учун жамоасининг ўйинига кўпроқ эътибор беришга чақирди.
