Лондоннинг "Арсенал" клуби ёзги трансфер ойнасида жамоани кучайтириш режасини ишлаб чиқмоқда.
"Тўпчилар"нинг устувор вазифалари - ҳужумнинг чап қанотига ва марказий ҳужумчи позициясига янги ўйинчиларни жалб қилиш, деб ёзади журналист Бен Жейкобс. Спорт директори Андреа Берта ёзги шартномалар устида ишламоқда, алоқалар ўрнатмоқда ва бозордаги потенциал вариантларни ўрганмоқда. "Арсенал"да Хулиан Альвареснинг "Атлетико"даги ҳолати ҳақида эшитишган, шунингдек, қизиқишлар рўйхатида "Леванте" вакили Этта Эйонг ҳам бор.
Микель Артета жамоаси Премьер-лига 22-туридан кейин турнир жадвалида "Манчестер Сити" ва "Астон Вилла"дан 7 очко олдинда бормоқда.
