"Ливерпуль"нинг чап қанот ҳимоячиси Эндрю Робертсон тез орада "Тоттенхэм"га кўчиб ўтиши мумкин.

31 ёшли футболчи "шпорлар" сафига ўтмоқчи, чунки Арне Слот уни асосий таркибда кўрмаяпти. Ҳозирча клублар ўртасида келишувга эришилмаган, аммо музокаралар муваффақиятли якунланиши эҳтимоли анча юқори баҳоланмоқда. Шунга қарамай, журналист Алекс Крукнинг маълум қилишича, шотландиялик ҳамон "Ливерпуль" ихтиёрида бўлиб турибди ва "Борнмут" ҳамда "Қорабоғ"га қарши бўлажак баҳсларда иштирок этишга тайёр. Чемпионлар Лигаси доирасидаги Озарбайжон жамоаси билан ўйин якунлангач (28 январь), латерал "Энфилд"да мухлислар билан хайрлашиши кутилмоқда.

Эндрю Робертсон 2017 йил ёзидан бери "Ливерпуль" шарафини ҳимоя қилмоқда.