"Манчестер Юнайтед" ярим ҳимоячиси Кобби Майну жамоанинг собиқ устози Рубен Аморимнинг ишончини қозона олмаган эди.
Клуб ўтган йили истиқболли инглиз билан шартномани узайтиришга келишиб олган, бироқ португалиялик мутахассис келишувга розилик бермаган, деб ёзади журналист Саймон Жонс. Ўшандан бери музокаралар музлатиб қўйилган, Аморим ишдан бўшатилгандан кейин эса муҳокамалар яна бошланган. Яқинда матбуотда "қизил иблислар" 20 ёшли футболчи билан янги шартнома имзолаш ниятида экани ҳақида хабарлар тарқалган эди.
Эслатиб ўтамиз, Кобби Майнунинг "Манчестер Юнайтед" билан амалдаги шартномаси 2027 йилнинг ёзигача мўлжалланган бўлиб, уни яна бир йилга узайтириш имконияти бор.
