Каталониянинг "Барселона" клуби хавбеки Марк Берналга бир қатор клублар қизиқиш билдирмоқда, дея хабар берди Sport.es.
Журналистлар маълумотига кўра, 18 ёшли ярим ҳимоячига Амстердамнинг "Аякс" клуби қизиқиш билдирмоқда. Нидерландия топ-клуби футболчини ижарага олмоқчи, аммо каталонияликлар бош мураббийи Ханс-Дитер Флик Бернални қўйиб юбормоқчи эмас. Германиялик мутахассис футболчини мавсумнинг иккинчи қисмида асосий футболчилардан бири сифатида кўрмоқда.
Жорий мавсумда Марк 13 та ўйин ўтказиб, битта голли узатмани ўз ҳисобига ёздириб қўйди. Ярим ҳимоячининг шартномаси 2029 йилнинг ярмигача мўлжалланган бўлиб, унинг трансфер нархи 10 миллион еврони ташкил этади.
