Нидерландиянинг "Аякс" клуби вингер Раул Морога ўринбосар қидирмоқда. Испаниялик футболчи қишки трансфер ойнасида жамоани тарк этиб, "Осасуна" сафига бориб қўшилди.
Моронинг ўрнига асосий номзод "Алавес" футболчиси Карлос Висенте бўлиб турибди, деб хабар беради vi.nl. Унинг клуби аллақачон Чемпионшип вакили "Бирмингем" билан трансфер бўйича оғзаки келишувга эришган, аммо "Аякс" муваффақиятли музокаралардан умидини узмаяпти.
"Сарагоса"нинг 26 ёшли тарбияланувчиси Испаниянинг бир қатор таниқли бўлмаган жамоаларида ҳаракат қилган ва 2024 йилда "Алавес"га ўтган. У жорий мавсумда 24 та ўйинда 9 та гол ва 3 та голли узатмага муаллифлик қилди.
Transfermarkt портали Висентенинг нархини 7 миллион еврога баҳоламоқда.
