Англия Премьер-лигасининг бир қатор клублари "ПСЖ" форварди Иброҳим Мбайега эътибор қаратди. Журналист Флориан Плеттенбергнинг маълум қилишича, "Челси" ва "Астон Вилла" Африка Миллатлар Кубогида ёрқин ўйин кўрсатган 18 ёшли иқтидор эгаси учун кураш олиб бормоқда. Ҳар икки клуб ҳам сенегаллик футболчи атрофидаги вазиятни диққат билан кузатиб бормоқда.
Англия жамоалари қизиқиш билдираётганига қарамай, "ПСЖ" Мбайе билан хайрлашмоқчи эмас. Футболчининг парижликлар билан 2028 йилгача мўлжалланган шартномаси бор ва клуб уни жамоада олиб қолиш учун янги келишув таклиф қилиш имкониятини кўриб чиқмоқда.
Мбайе жорий мавсум "ПСЖ" сафида барча мусобақаларда 21 та ўйинда майдонга тушиб, 1 та гол ва 2 та голли узатма муаллифи бўлди.
